Að Kveikju stöndum við, Heiður og Herdís. Saman búum við yfir fjölbreyttum bakgrunni bæði í lífi og starfi. Til að mynda úr íslenskri stjórnsýslu, þar sem leiðir okkar tveggja lágu fyrst saman. Öll okkar reynsla hefur leitt til þess að við viljum stíga aðeins út fyrir kassann með það að marki að gera hlutina öðruvísi en þeir hafa alltaf verið gerðir, prufa okkur áfram, læra og móta nýjar leiðir og lausnir. Lausnir sem snúa bæði að innra vinnuumhverfi en ekki síður að þeirri þjónustu sem veitt er út á við.

Með þetta að leiðarljósi stofnuðum við tvær hugmyndasmiðjuna Kveikju, stað þar sem allar hugmyndir eru leyfðar. Hjá Kveikju prufum okkur áfram, stígum til baka, breikkum linsuna og horfum á verkefnin frá mörgum sjónarhornum. Við vinnum með þeim sem eru tilbúin að horfast í augu við breytta samfélagsmynd, endurhugsa og endurhanna gamlar leiðir og lausnir upp á nýtt.

Við höldum í gleðina í öllu okkar samstarfi, sköpum öruggt rými til skoðanaskipta og nýtum okkar fjölbreyttu reynslu, menntun og þekkingu í öllum verkefnum og störfum.

Hlökkum til samsköpunar með allskonar fólki í átt að betra samfélagi.